Um almanakið

    Almanak Háskólans, öðru nafni Íslandsalmanakið,  hefur komið út samfellt síðan 1837 (sjá forsíðumynd fyrsta almanaksins). Það er því mun eldra en Almanak Hins íslenska þjóðvinafélags sem hóf göngu sína árið 1875. Þessum tveimur ritum er oft ruglað saman, sem skiljanlegt er, því að Þjóðvinafélagið fékk í öndverðu heimild til að taka Almanak Háskólans upp í almanak sitt. Hefur sú hefð haldist síðan, ef frá eru talin árin 1914-1918 þegar ritin voru algjörlega aðskilin. Frá 1923 til 1973 framseldi Háskóli Íslands einkaleyfi sitt til almanaksútgáfu til Þjóðvinafélagsins, og á því tímabili annaðist félagið útgáfu beggja almanakanna. Almanak Háskólans er nú gefið út í 3500 eintökum og Almanak Þjóðvinafélagsins í 1200 eintökum. Einkaleyfi Háskólans til útgáfu almanaka, sem veitt var með lögum nr. 25 frá 27. júní árið 1921, var fellt úr gildi með lögum nr. 13 hinn 7. mars árið 2008. Breytingin miðaðist við áramótin 2008-2009.

Sjá enn fremur greinarnar 
Skyggnst í sögu almanaksins.
Hversu nákvæmar eru töflur almanaksins?
Hvers vegna eru Egiptaland og Kípur stafsett svo í almanakinu