| Síðan almanakið fyrir árið 2001 fór í prentun hafa fundist
þrjú ný tungl sem ganga um reikistjörnuna Úranus. Eitt þeirra fannst
við rannsókn á gömlum myndum sem teknar voru úr flauginni Voyager 2
í janúar 1986 og var fundurinn staðfestur með myndum teknum með
Hubble-sjónaukanum sem er á braut um jörðu. Tunglið hefur ekki
hlotið endanlegt nafn en er til bráðabirgða auðkennt með S/1986 U
10. Talan 10 vísar til þess að þetta er 10. tunglið sem finnst á
myndum Voyagers. Tungl Úranusar eru nú orðin 21
talsins. Satúrnus einn hefur fleiri tungl að því
er best er vitað (sjá fréttina um ný
tungl Satúrnusar).
|