| Í júní 2006 tilkynntu bandarískir stjörnufræðingar að níu tungl hefðu
fundist við reikistjörnuna Satúrnus til viðbótar við þau 47 sem þekkt
voru. Tungl þessi hafa fengið bráðabirgðaheitin S2004/S19, og S2006/S1
til S2006/S8. Tungl þessi
fundust á myndum sem teknar voru með stórum sjónauka á
fjallinu Mauna Kea á Hawaii. Öll eru tunglin smá, á að giska 6-8 km í
þvermál. Þau ganga öfugan hring um reikistjörnuna og eru mjög langt frá
henni; umferðartíminn er frá 2,4 upp í 3,6 ár (sjá yfirlit um tungl
reikistjarnanna).
Þ.S. 2. nóvember 2006. |