Breyting á tímasvæðum í Rússlandi

      Hinn 28. mars s.l. þegar sumartími tók gildi í Rússlandi, ákváðu yfirvöld að breyta staðaltíma á nokkrum svæðum og var klukkunni ekki flýtt á þeim svæðum þetta sumarið. Af þessu leiðir að tímakortið á bls. 78 í Almanaki Háskólans þarfnast leiðréttingar. Tímasvæði +12 á  kortinu, austast í Síberíu (grænt í Almanaki 2010), sameinast nú næsta svæði vestan við (+11) og verður grátt.  Tvö lítil svæði í tímabelti +4 (græn í Almanaki 2010) sameinast svæðinu vestan við (+3, þ.e. Moskvutími) sem er grátt. Loks flyst héraðið Kemerovo í suðvestur-Síberíu sem var í tímabelti +7 (grátt) yfir í tímabelti +6 (svart). Þessar breytingar verða sýndar á tímakortinu í næsta almanaki.

Þ.S. 30. mars. 2010 

 

Almanak Háskólans