Hvenær verður næst sólmyrkvi á Íslandi?
Næsti sólmyrkvi sem sést gæti
frá Íslandi er hringmyrkvi sem væntanlegur er 31. maí
árið 2003. Hringmyrkvi er það kallað þegar
tungl fer fyrir miðja sól eða því sem næst,
en nær þó ekki að skyggja á alla sólina
vegna þess að þvermál tunglsins á himni er
örlítið minna en þvermál sólar í
það skiptið. Sést þá rönd af sólinni
umhverfis dimma tunglkringluna. Hringmyrkvinn 2003 sést á
svæði sem nær frá nyrsta hluta Skotlands til Grænlands
og ætti að sjást frá öllu Íslandi ef
veður leyfir. Þetta verður mjög snemma morguns (um kl.
4) og sól því lágt á lofti. Tunglið
mun skyggja á 88% af yfirborði sólar. Nánar er sagt frá
þessum myrkva í almanaki fyrir árið 2003.
Sjá enn fremur Sólmyrkvar
á Íslandi fram til 2200.
Þ.S. okt. 1999
Breytt í okt. 2002 |