| Þetta þarf að leiðrétta í Almanaki fyrir 2013: 1) Á bls. 84, í kaflanum um lengdareiningar, er stjarnfræðieiningin sögð vera 1,495 978 70 ∙ 1011 metrar, þ.e. 149 597 870 000 metrar. Þessi tala byggðist á samþykkt Alþjóðasambands stjörnufræðinga árið 1976, en var reiknuð út frá stærðum sem gátu hugsanlega haggast með tímanum. Á þingi sambandsins í Peking í ágúst 2012 var skilgreiningunni breytt og telst stjarnfræðieiningin nú vera 149 597 870 700 metrar, óháð nokkurri formúlu. Eftir sem áður er einingin örlítið minni en meðalfjarlægðin milli jarðar og sólar. 2)
Niðurstöður mælinga með gervitunglinu Planck sem birtar voru í mars 2013
benda til þess að endurskoða þurfi nokkrar tölur í greininni um
hulduorku og hulduefni á bls. 90 í almanakinu. Þar stendur "Álit
vísindamanna er að venjulegt efni sé aðeins 4% af heildinni, hulduefnið
23% og hulduorkan 73%". Þessar tölur breytast nú í 5%, 27% og 68%. |