Efnisyfirlit almanakanna frá upphafi
Þorsteinn Sæmundsson tók saman
| I. Efnisyfirlit Íslandsalmanaks
(Almanaks Háskólans) II. Efnisyfirlit Almanaks Þjóðvinafélagsins III. Ljósmyndir í Almanaki Þjóðvinafélagsins
|
|
Það efnisyfirlit sem hér fylgir er í þremur hlutum. Í fyrsta hlutanum (I) er yfirlit um
allt efni sem birst hefur í Íslandsalmanakinu (Almanaki Háskólans) frá því að
það kom fyrst út, árið 1837. Í öðrum hluta (II) er rakið efni Almanaks Hins
íslenska þjóðvinafélags frá upphafi (1875), þegar frá er talinn fremsti kaflinn,
þ.e. Íslandsalmanakið. Í þriðja hluta (III) er skrá yfir allar
ljósmyndir sem birst hafa í Almanaki Þjóðvinafélagsins. Flestar myndanna fylgja
Árbók Íslands, og myndirnar vísa því gjarna til atburða sem gerðust tveimur árum fyrr en ártal
almanaksins gefur til kynna.
Margir af myndatextum árbókarinnar eru lengri en svo að þeir komist fyrir í efnisyfirlitinu. Hafi nöfn manna fallið brott, er þeirra getið annars staðar í yfirlitinu og nöfnin merkt með stjörnu (*). Athuga ber að greinar með sama heiti, sem birst hafa í fleiri en einum árgangi almanaks, geta verið ólíkar að efni. Við samantekt efnis fram til 1967 var að mestu
leyti stuðst við efnisyfirlit það sem Þorgerður Sigurgeirsdóttir tók saman og
birtist í Almanaki Þjóðvinafélagsins 1968. Efninu hefur þó verið raðað með öðrum
hætti en þar var gert og breytingar gerðar á stöku stað. Meðal annars hefur
verið reynt að ráða í skammstafanir höfundarnafna. Í yfirliti Þorgerðar voru
rösklega 1500 efnisatriði, en í því yfirliti sem hér birtist eru yfir 3600
atriði. Aukninguna má að nokkru leyti rekja til þess að myndum hefir fjölgað
verulega og fleiri einstaklingar hafa verið nafngreindir á þeim. Þ.S. 9.12.2006. Breytt 20.10.2007 |