Ný höfuðborg í Kasakstan  

Á bls. 92 í almanakinu, í töflunni um ríki heimsins, er höfuðborg Kasakstan sögð vera Almatí (Alma Ata). Þetta er ekki lengur svo. Árið 1997 fékk forseti landsins, Nursultan Nazarbaev, því framgengt að minni borg í norðurhluta landsins skyldi gerð að höfuðborg. Sú borg hét þá Akmola, en árið 1998 lét Nazarbaev breyta nafninu í Astana sem merkir einfaldlega "höfuðborg". Astana er því stjórnarsetrið nú, og eru lesendur almanaksins eru beðnir velvirðingar á því að þetta skuli ekki hafa verið leiðrétt fyrr. Astana fylgir sama tímabelti og Almatí (UT+6).

Þ.S. 23. ágúst 2006.

Almanak Háskólans